“Yumi olgeta wan wan bai yumi mas tokim God long as bilong olgeta pasin yumi bin mekim.”
1. Tripela Hibru i karim wanem hevi bilong ol yet?
TRIPELA yangpela Hibru i stap long Babilon ol i mas wokim disisen
2. Husat i stiaim Pailat long makim samting em i mekim long Jisas Krais? Dispela gavena bilong Rom i no gat asua o olsem wanem?
2 Siks handet yia bihain, gavena i harim ol tok ol i sutim long man i sanap long ai bilong em. Em i skelim ol samting na em i no painim wanpela rong long em. Tasol ol manmeri i tok em i mas i dai. Gavena i wok long sakim dispela tok bilong ol, tasol bihain em i orait long en. Em i wasim han long wara na i tok: “I no asua bilong mi sapos dispela man i dai. Em i samting bilong yupela tasol.” Bihain em i givim dispela man long ol soldia bilong nilim em long diwai pos. Yes, Pontius Pailat i surik long karim hevi bilong em yet. Em i larim ol arapela i makim samting em i mas mekim long Jisas Krais. Maski em i wasim han long wara, dispela i no rausim asua bilong em
3. I gat wanem as na yumi no ken larim ol arapela long makim samting yumi mas mekim?
3 Olsem wanem long yu yet? Taim yu mas wokim disisen, yu olsem dispela 3-pela Hibru, o yu larim ol arapela long makim samting yu mas mekim? Pasin bilong wokim disisen i no isi. Bilong wokim gutpela disisen, man i mas i gat tingting bilong man i bikpela pinis. Olsem: Ol papamama i gat wok long wokim ol gutpela disisen bilong ol pikinini bilong ol. Tru, i hatwok long wokim disisen taim i gat planti samting bilong en long skelim. Tasol wok bilong wokim disisen i no wanpela wok i hevi tumas na i olsem wanpela “hevi” ol strongpela brata i mas helpim yumi long karim, nogat. (Galesia 6:
Wanpela Bikpela Samting
4. Namba wan man na meri i sakim tok na dispela i mas skulim yumi long wanem samting?
4 Namba wan man na meri i wokim wanpela disisen i kamapim samting i nogut tru. Ol i kaikai pikinini bilong diwai bilong givim save long wanem samting i gutpela na wanem samting i nogut. (Stat 2:
5. Jehova i bin givim wanem samting long yumi bilong stiaim yumi, na yumi mas mekim wanem na bai dispela samting i ken helpim yumi?
5 Yumi ken amamas tru long God Jehova i bin givim samting long yumi bilong stiaim yumi. Baibel i tok: “Taim yupela i wokabaut na yupela i paul long wanem rot yupela i mas bihainim, rot bilong han sut o rot bilong han kais, orait em bai i stap baksait long yupela na em bai i tokim yupela long rot yupela i mas bihainim.” (Aisaia 30:21) Jehova i save givim tok long yumi long rot bilong Tok bilong em, em Baibel. Yumi mas stadi long Baibel na kisim stretpela save long ol tok bilong en. Bilong makim ol rot i stret long bihainim, yumi mas kisim “strongpela kaikai em i bilong ol man i kamap bikpela pinis.” Na tu, yumi mas mekim wok long tingting
6. Yumi mas mekim wanem na bai maus bilong bel i ken wok gut?
6 Narapela samting bilong helpim yumi long wokim disisen, em maus bilong bel yumi kisim pinis taim mama i karim yumi. Taim yumi laik mekim wanpela samting, bel inap “orait” long dispela samting, o i “kotim” yumi long en. (Rom 2:
7. Wanem wanpela bikpela samting bilong helpim yumi long wokim ol gutpela disisen?
7 Olsem na wanpela bikpela samting bilong helpim yumi long wokim ol gutpela disisen, i olsem: Yumi mas kisim stretpela save long ol tok bilong Baibel na bihainim ol dispela tok. Taim yumi mas wokim disisen, nogut yumi hariap tumas long makim samting yumi mas mekim. Yumi mas lusim bikpela haptaim liklik long painim ol stiatok bilong Baibel na wokim gut tingting long olsem wanem yumi ken bihainim. Maski wantu yumi mas wokim disisen
Bai Yu Makim Wanem Kain Poroman?
8, 9. (a) Wanem ol stiatok i soim olsem yumi no ken poroman wantaim ol man nogut? (b) Poroman nogut i makim tasol ol man yumi bung na toktok wantaim ol? Stori long dispela.
8 Aposel Pol i tok: “Sapos yumi poroman wantaim ol man nogut, bai ol i bagarapim gutpela pasin bilong yumi.” (1 Korin 15:33) Jisas Krais i tokim ol disaipel: “Yupela i no man bilong dispela graun.” (Jon 15:19) Taim yumi kisim save long ol dispela stiatok, kwiktaim yumi kliagut olsem yumi no ken poroman wantaim ol man i mekim pasin pamuk, ol man i trabel long ol maritmeri, ol stilman, ol man i save spak, na ol kain man olsem. (1 Korin 6:
9 Olsem wanem? I orait long yumi poroman wantaim ol man i bihainim stretpela pasin, tasol ol i no bilip long trupela God? Baibel i tok: “Dispela graun olgeta em i stap aninit long strong bilong Satan.” (1 Jon 5:
10. Wanem samting bai helpim yumi long skelim pasin bilong bung wantaim ol man bilong dispela graun?
10 Yumi no inap klia olgeta long ol man bilong dispela graun na i no gat wok long yumi mekim olsem. (Jon 17:15) Taim yumi mekim wok autim tok, o go long skul o ples wok, yumi save bung wantaim ol man i no lotu long Jehova. Kristen i gat poroman marit i no Witnes Bilong Jehova, ating em i mas bung planti taim liklik wantaim ol man bilong dispela graun, winim ol arapela wanbilip bilong em. Tasol sapos yumi bin skulim gut tingting bilong yumi, bai yumi save olsem taim yumi mas bung wantaim ol man bilong dispela graun, dispela i no wankain long pasin bilong kamap pren bilong ol. (Jems 4:4) Dispela bai helpim yumi long skelim, bai yumi insait long ol samting klas i mekim taim skul i pinis long apinun, olsem ol spot na danis, o go long ol pati na bikpela kaikai kampani i wokim bilong ol wanwok, o nogat.
Makim Wok Mani
11. Taim yumi tingim wanem kain wok mani yumi bai kisim, wanem namba wan samting yumi mas tingim?
11 Ol stiatok bilong Baibel inap helpim yumi long wok bilong ‘lukautim ol wanblut tru bilong yumi yet.’ (1 Timoti 5:8) Taim yumi tingim wanem kain wok mani yumi bai kisim, namba wan samting yumi mas tingim em dispela wok yet. Sapos yumi kisim wanpela wok we yumi mas mekim ol samting em Baibel i tambuim, dispela i no stret. Olsem na ol Kristen tru i no save holim wok we ating ol i mas insait long pasin bilong lotuim god giaman, pasin stil, mekim wok nogut long blut, o narapela samting i no stret wantaim Baibel. Na tu, yumi no save mekim tok giaman o giamanim narapela, maski bos i tokim yumi long mekim olsem.
12, 13. Taim yumi skelim wanem kain wok yumi laik mekim, wanem sampela bikpela samting moa yumi mas tingim?
12 Tasol olsem wanem sapos dispela wok yet i no kalapim lo bilong God? Taim yumi wok long kisim sampela save moa long tok i tru na pasin bilong yumi long skelim ol samting i kamap gutpela moa, yumi luksave olsem i gat sampela samting moa yumi mas tingim. Olsem wanem sapos dispela wok i helpim sampela pasin i no stret wantaim Baibel, olsem wok bilong ansarim telefon long haus bilong pilai laki? Na yumi mas tingim husat i baim yumi na ples yumi mekim dispela wok. Olsem: Sapos Kristen i gat wanpela wok bisnis, bai em i putim nem bilong winim kontrak bilong penim haus lotu bilong wanpela lain bilong Kristendom na long dispela rot helpim lotu giaman?
13 Olsem wanem sapos wanpela taim bos bilong yumi i winim kontrak bilong penim haus lotu bilong wanpela lotu giaman? Orait yumi mas tingim kain samting olsem: ‘Bos i givim namba long mi long bosim dispela wok o mi wanpela wokman tasol?’ Na olsem wanem sapos yumi mekim wanpela wok i no kalapim lo bilong Baibel, olsem wok bilong bringim pas o pawa bil samting i go long olgeta ofis long wanpela hap na ol bisnis tu we ol i mekim sampela pasin i no stret long ai bilong God? Stiatok bilong Matyu 5:
“Tingting Strong Long Bikpela”
14. Taim yumi mas wokim disisen, yumi mas tingim wanem ol samting?
14 Olsem wanem long ol arapela samting yumi mas makim, olsem long taim yumi mas makim wanem kain skul yumi bai kisim na wanem ol wok bilong dokta long stretim sik em yumi bai orait long en o nogat? Taim yumi mas wokim disisen, yumi mas tingim wanem ol stiatok bilong Baibel i insait long dispela samting na nau yumi mas wokim gut tingting na bihainim ol dispela stiatok. Saveman King Solomon bilong Israel bipo i tok: “Yu mas bilip strong long Bikpela. Yu no ken ting save bilong yu yet inap helpim yu. Long olgeta samting yu mekim, yu mas tingting strong long Bikpela na yu mekim, na em bai i soim yu stretpela rot long bihainim.”
15. Yumi kisim wanem skul long ol Kristen bilong pastaim long pasin bilong wokim disisen?
15 Ol disisen bilong yumi inap mekim sampela samting long ol arapela, na yumi mas tingim dispela. Olsem: Ol Kristen long taim bilong ol aposel ol i no aninit moa long Lo Bilong Moses long ol samting bilong kaikai. Ol inap kisim kaikai em Lo i makim i no klinpela. Tasol taim aposel Pol i stori long mit bilong animal ating ol i bin ofaim long god giaman long tempel em i tok: “Sapos kaikai i save mekim brata bilong mi i pundaun long sin, orait mi no inap tru kaikai mit gen long laip bilong mi. Nogut mi mekim brata bilong mi i pundaun long sin.” (1 Korin 8:
Askim God Long Givim Gutpela Tingting Long Yu
16. Olsem wanem pasin bilong beten inap helpim yumi long wokim disisen?
16 Wanpela bikpela samting bilong helpim yumi long wokim disisen, em beten. Disaipel Jems i tok: “Sapos wanpela man namel long yupela em i sot long gutpela tingting, orait em i mas beten long God i givim tingting long em, na bai God i givim em.” (Jems 1:5) Yumi ken beten askim Jehova long givim gutpela tingting long yumi na bai yumi inap wokim disisen i stret long bihainim. Taim yumi toktok wantaim trupela God long ol samting yumi tingting planti long en na yumi askim em long soim rot long yumi, holi spirit inap helpim yumi long kliagut long ol skripsa yumi stadi long en na tingim bek sampela skripsa ating yumi bin lusim tingting long en.
17. Olsem wanem ol arapela inap helpim yumi long pasin bilong wokim disisen?
17 Olsem wanem? Ol arapela inap helpim yumi long wokim disisen? Yes, Jehova i save helpim yumi long rot bilong ol strongpela brata long kongrigesen. (Efesus 4:
Samting i Kamap
18. Taim yumi wokim gutpela disisen, yumi ken tok wanem long samting i kamap long dispela?
18 Taim yumi wokim disisen na bihainim maus bilong bel na ol stiatok bilong Baibel, yu ting long olgeta taim dispela bai karim gutpela kaikai? Yes, bihain em bai karim gutpela kaikai. Tasol sampela taim, hevi i save kamap pastaim. Taim Satrak, Mesak, na Abetnego i wokim disisen long ol i no ken lotu long traipela imis, ol i save olsem ol i inap kisim bagarap long dispela. (Daniel 3:
19. Olsem wanem yumi ken strongim bel na karim hevi bilong yumi yet long wokim disisen?
19 Olsem na taim yumi mas wokim disisen, yumi mas painim ol stiatok bilong Baibel na wokim gut tingting bilong yumi na bihainim ol dispela stiatok. Yumi ken amamas long Jehova i bin helpim yumi long rot bilong holi spirit na ol strongpela brata long kongrigesen! Yumi gat kain kain gutpela samting bilong stiaim yumi, olsem na yumi mas strongim bel na karim hevi bilong yumi yet long wokim ol gutpela disisen.
Yu Lainim Wanem Samting?
• Wanem wanpela bikpela samting yumi mas mekim na bai yumi inap wokim ol gutpela disisen?
• Taim yumi wok long kamap strong long ol samting bilong spirit, olsem wanem dispela i helpim yumi long makim ol poroman?
• Taim yumi mas skelim wanem kain wok yumi laik kisim, wanem sampela bikpela samting yumi mas tingim?
• Wanem ol samting bai helpim yumi long pasin bilong wokim disisen?
[Piksa long pes 22]
Adam na Iv i sakim tok na dispela i skulim yumi long wanpela bikpela samting
[Piksa long pes 24]
Taim yumi mas skelim wanpela bikpela samting yumi mas mekim, pastaim painim ol stiatok bilong Baibel i stret long dispela
Source: http://wol.jw.org/tpi/wol/d/r75/lp-mp/2006206
Source: http://wol.jw.org/tpi/wol/d/r75/lp-mp/2006206
0 Comments